युनिकोड
हेटौंडा उपमहानगरपालिका–१२ को उपनिर्वाचनको प्रारम्भिक मतगणनामा नेपाली कांग्रेस अघि लागेको छ।
२०७९ को स्थानीय तह निर्वाचनमा तेस्रो भएको कांग्रेस उपनिर्वाचनको प्रारिम्भक मतगणनामा नेपाली कांग्रेस करिब ३ सय मतले अघि लागेको हो।
नेपाली कांग्रेसका अर्जुन तिवारीको पक्षमा ११ सय ४७ मत खसेको छ। हालसम्म गणना भएको ३ हजार ४६ मतमा एमालेका उम्मेदवार राजेश नगरकोटीको पक्षमा ७ सय ९४ मत छ। यस्तै, माओवादी केन्द्रका उम्मेदवार रवीन प्रधानको पक्षमा ८ सय ६२ मत खसेको छ। राप्रपाका प्रेमबहादुर भ्लोनले ९६ मत प्राप्त गरेका छन् भने रास्वपाका आशावीर बलले ५२ मत प्राप्त गरेका छन्।
५ वटा बुथको मतगणना सकिँदा ४० मत बदर भएको मुख्य निर्वाचन अधिकृतको कार्यालयले जनाएको छ।
यस वडामा ५ हजार ४८३ मत खसेको थियो। मतगणना जारी रहेको छ। २०७४ र २०७९ को स्थानीय तह निर्वाचनमा तिवारी पराजित भएका थिए।
प्रतिक्रिया