युनिकोड
काठमाडौँ प्रवेशको मुख्य नाका नागढुंगा नजिक चिसापानी भन्ने ठाउँमा पहिरो जाँदा त्रिभुवन राजपथ अवरुद्ध भएको छ।
त्रिभुवन राजपथअन्तर्गत नागढुंगानजिक पहिरो खस्दा दुवैतर्फ सडक अवरुद्ध भएको हो।
नागढुंगा प्रहरी इन्चार्ज प्रहरी निरीक्षक हेमकुमार थपलियाका नागमन्दीर नजिकै सडक माथिबाट निरन्तर पहिरो खसिरहेको छ।
पानी परिरहेकाले पहिरो खस्ने क्रम नरोकिएको बताउँदै थपलियाले दुवैतर्फ पहिरो पन्छाउन डोजर तयारी अवस्थामा राखिएको जानकारी दिए।
पहिरो खस्न रोकिएपछि पहिरो पन्छाएर आवागमन सहज गरिने थपलियाको भनाइ छ।
पहिरोले सडक अवरुद्ध भएपछि दुई पाङ्ग्रे सवारी साधन खानीखोलाबाट नागढुंगा निस्कन सक्ने र चार पाङ्ग्रे सवारी साधन धार्केबाट सितापाईला भएर बैकल्पिक मार्ग प्रयोग गरिरहेको प्रहरीले जनाएको छ।
ठूलो पहिरो खसेकाले पहिरो पन्छाएर सडक खुलाउन अझै केही समय लाग्ने प्रहरीले बताएको छ।
प्रतिक्रिया