युनिकोड
बागमती प्रदेशको संसदीय समितिको सभापति चयनका गर्ने बिषयमा छलफल गर्न बागमती प्रदेशका मुख्यमन्त्री शालिकराम जम्मकट्टेलले सर्वदलीय बैठक आव्हान गरेका छन्।
आगामी मंसिर १७ गते दिउँसो १ बजेका लागि बैठक आह्वान गरिएको मुख्यमन्त्री जम्मकट्टेलले बताए।
बुधबार मुख्यमन्त्री तथा मन्त्रिपरिषद् कार्यालय हेटौंडामा प्रदेशका मन्त्रीहरुसँगको छलफलपछि मुख्यमन्त्री जम्कट्टेलले सर्वदलीय बैठक आह्वान गरेका हुन्।
प्रदेशको वर्तमान राजनीतिक अवस्था र संसदीय समितिको विषयमा छलफलका लागि बैठक आह्वान गरिएको मुख्यमन्त्री जम्कट्टेललेको भनाइ छ।
उनका अनुसार लामो समयसम्म सभापति विहिन रहेको प्रदेश सभा समितिलाई पूर्णता दिनका लागि सर्वदलीय बैठक आह्वान गरिएको हो।
बागमती प्रदेश सभामा प्रदेश मामिला, अर्थ तथा विकास समिति, सार्वजनिक लेखा समिति, शिक्षा स्वास्थ्य तथा कृषि समिति र उद्योग पर्यटन तथा वातावरण समिति गरी पाँचवटा समिति छन्।
समितिको सभापतिमा सबै राजनीतिक दलहरुको आ–आफ्नै दाबी रहँदा सभापति चयनको बिषय नै पेचिलो बन्ने देखिन्छ।
त्यसोत, प्रदेशमा रहेका सात राजनीतिक दलहरुलाई नै भाग पुर्याउने उदेश्यले दुईवटा समिति थप्ने तयारीमा मुख्यमन्त्री जम्मट्टेल रहेको समेत चर्चा छ।
यद्यपी, हाल उक्त बिषयको छलफल सुरु नभएको उनको दाबी छ।
प्रतिक्रिया