युनिकोड
आईसीसी विश्वकप लिग–२ अन्तर्गत स्कटल्यान्डमा जारी त्रिकोणात्मक सिरिजमा आज नेपाली राष्ट्रिय क्रिकेट टोलीले नेदरल्यान्डविरुद्ध खेल्दैछ।
स्कटल्यान्डको डुन्डेस्थित फोर्थहिलमा हुने खेल दिउँसो पौने चार बजे सुरु हुनेछ।
सिरिजको पहिलो खेलमा स्कटल्यान्डमाथि १ विकेटको रोमाञ्चक जित निकालेको नेपाली टोली सोही लयलाई कायम राख्ने योजनामा छ।
नेदरल्यान्ड भने सिरिजमा पहिलो खेल खेल्न लागेको हो। नेदरल्यान्ड सुखद सुरुवातको योजनामा छ।
लिग २ सिरिजमा नेपाल र नेदरल्यान्ड सन् २०२४ को फेब्रुअरीपछि भेट्न लागेका हुन्। यसअघि नेपालको घरेलु मैदान कीर्तिपुरमा भएको सिरिजमा नेपालले नेदरल्यान्डलाई १ खेलमा पराजित गर्दा १ खेलमा हार भोगेको थियो।
लिग २ मा १३ खेल खेलेको नेपाल ३ खेलमा जित, ८ खेलमा हार र २ खेलमा अंक बाँड्दै ८ अंकसहित तालिकाको सातौँ स्थानमा छ।
उता लिगको २० खेलमध्य १२ खेलमा जित, ६ खेलमा हार र २ खेलमा अंक बाँडेको नेदरल्यान्ड २६ अंकसहित तालिकाको दोस्रो स्थानमा छ।
प्रतिक्रिया