युनिकोड
साफ यू-१९ च्याम्पियनसिप फुटबलको ड्र सार्वजनिक भएको छ। मंगलबार सार्वजनिक भएको 'ड्र' अनुसार नेपाल र भारत एकै समूहमा परेका छन्।
भारतको अरुणाञ्चल प्रदेशमा हुने साफ यु-१९ च्याम्पियनसिपमा ६ टोलीले सहभागिता जनाउँने छन्। पाकिस्तानले प्रतियोगितामा सहभागिता नजनाउने भएपछि बाँकी ६ टोलीलाई दुई समूहमा विभाजन गरिएको हो।
समूह ‘ए’मा माल्दिभ्स, भुटान र साबिक विजेता बंगलादेश छन्। समूह ‘बी’मा आयोजनक भारतसँगै साविक उपविजेता नेपाल र श्रीलंका परेका छन्।
प्रतियोगिता ८ मार्चदेखि १७ मार्चसम्म हुनेछ। गत वर्ष नेपालले आयोजना गरेको थियो। सातदोबाटोस्थित एन्फा कम्प्लेक्समा भएको प्रतियोगितामा नेपाल फाइनलमा बंगलादेशसँग ४-१ ले पराजित भएको थियो।
प्रतिक्रिया