युनिकोड
लिभरपुलसँगै बार्सिलोना, आर्सनल, इन्टरमिलान, एथलेटिको मड्रिड, बायन लिभरकुसेन, लिलि र एस्टोन भिल्ला शीर्ष ८ मा रहेर युईएफए च्याम्पियन्स लिगको अन्तिम १६ मा पुगेका छन्।
बुधबार राति भएको लिग चरणको खेलमा पिएसभीसँग ३-२ ले पराजित भएसँगै लिभरपुलले अपराजित यात्रालाई पूर्ण विराम लगाएको हो।
लिभरपुलले अब अन्तिम १६ मा मोनाको, ब्रेस्ट, पीएसजी र बेन्फिका मध्य एक टोलीसँग खेल्नेछ। बार्सिलोनाभने अर्को टोलीसँग खेल्नेछ। तेस्रो स्थानको आर्सनलले युभेन्टस, फेयनोर्ड, एसीमिलान र पिएसभीविरुद्ध खेल्नेछ। अन्तिम १६ का लागि ड्र २१ फेबु्रअरीमा हुनेछ।
अंक तालिकाको नवौँ देखि २४ स्थानसम्म रहने टोलीले प्लेअफ खेल्नेछन्। प्लेअफ खेलको तालिका आज बिहिबार राति सार्वजनिक हुनेछ। ११ र १२ फेबु्रअरीमा प्लेअफको पहिलो लेग हुनेछ। दोस्रो लेग भने १८ र १९ फेब्रुअरीमा हुनेछ।
गएराति भएकै खेलमा बार्सिलोनाले एटलान्टासँग २-२ को बराबरी गर्दै अंक बाँडेको हो। तेस्रो स्थानको आर्सनलले भने जिरोनालाई २-१ ले हराउँदै १९ अंकमा तेस्रो स्थानमा छ।
समान १९ अंक भएको इन्टर मिलान चौथो स्थानमा छ। गएराति कै खेलमा इन्टर मिलानले भने मोनाको माथि ३-० को फराकिलो जित दर्ता गर्यो।
गएराति कै अन्य खेलमा बायन म्युनिखले स्लोभान स्लोभानलाई ३–१ ले तथा बोरुसिया डर्टमुनले सख्तर डोनेस्कलनई ३-१ ले नै हरायो।
रियल मड्रिडले भने ब्रष्टमाथि ३-० को फराकिलो जित निकाल्यो। म्यानचेष्टर सिटीले क्लब ब्रुगमाथि ३-१ कै जित निकाल्यो। एथलेटिको मड्रिडले रेडबुल सालबर्गलाई ४-१ ले पाखा लगायो। पिएसजीले स्टुबर्गमाथि ४-१ कै फराकिलो जित दर्ता गरेको छ।
प्रतिक्रिया