युनिकोड
राष्ट्रिय भलिबल टोलीका सरस्वती चौधरी र कुलबहादुर थापालाई मनोरञ्जन रमण शर्मा अवार्डबाट सम्मान गरिएको छ।
नेपाल भलिबल संघका अध्यक्ष मनोरञ्जन रमण शर्माले स्थापना गरेको अक्षयकोषबाट महिलातर्फ सरस्वती चौधरी र पुरुषतर्फ कुलबहादुर थापालाई अवार्ड प्रदान गरिएको हो। अक्षयकोषबाट दुवै जनाले समान ३५ हजार रुपैयाँ प्राप्त गरे।
चोटका कारण सरस्वती भने कार्यक्रममा उपस्थित भइनन्। दायाँ खुट्टाको गोलीगाँठामा समस्या भएपछि उनलाई चिकित्सकले कम्तीमा तीन साता आराम गर्न सल्लाह दिएका छन्।
भलिबल नेपालको राष्ट्रिय खेल घोषणा भएपछि अध्यक्ष शर्माले १० लाखको अक्षय कोष स्थापना गरेका थिए। अक्षय कोषबाट आएको ब्याज रकमलाई शर्माले अवार्डको नाममा एक पुरुष र एक महिला खेलाडीलाई सम्मान गर्दै आएका छन्।
यसैबीच नेपाल भलिबल संघले बंगलादेशमा सम्पन्न एभिसी सेन्ट्रल जोन महिला च्याम्पियनसिपको विजेता नेपाली टोलीलाई जनही १० हजार रुपैयाँ प्रदान गरेको छ।
प्रतिक्रिया