विराट गोल्डकपको तयारी तीव्र

आगामी चैत दोस्रो साता सुरु हुने विराट गोल्डकप फुटबल प्रतियोगिताको तयारी तीव्र पारिएको छ। 

प्रतियोगिताका लागि विराटनगरको सहिद रंगशाला मर्मतको काम भइरहेको छ। मैदानमा पानी हाल्ने, लेभलिङ र प्यारापिटको काम भइरहेको छ। 

प्रतियोगितामा यो पटक पुरस्कार रकम बढाउने तयारी भइरहेको विराट गोल्डकप प्रतियोगिताका कार्यकारी निर्देशक सुवाशीश कोइरालाले जानकारी दिए। प्रतियोगिता सम्पन्न गर्न २ करोड ५० लाख रुपैयाँ खर्च हुने आयोजकले अनुमान गरेको छ। 

राति फल्ड लाइटमा हुने प्रतियोगिता चैत ९ गतेदेखि सञ्चालन हुँदै छ। प्रतियोगितामा घरेलु टोली विराटनगर सिटी एफसीसहित ८ टोलीको सहभागिता रहनेछ। 

प्रतियोगितामा अहिलेसम्म संकटा क्लब, नेपाल पुलिस, त्रिभुवन आर्मी, मच्छिन्द्र र थ्रीस्टारको सहभागिता पक्का भइसकेको छ। प्रतियोगितामा यो पटक २ वटा विदेशी टोली टोली सहभागी हुने इभेन्ट म्यानेजर सरोज लम्सालले जानकारी दिए। 

विराट गोल्डकप चैत ९ गतेदेखि १७ गतेसम्म आयोजना हुनेछ।