युनिकोड
कप्तान हस्मतुल्लाह शाहिदीको अर्धशतक मद्दतमा फारवेष्ट युनाइटेडले नेपाल टी–२० लिग अन्तर्गत सोमबारको पहिलो खेलमा काठमाडौ नाइट्सलाई ४ विकेटले पराजित गरेको छ।
लिगमा फारवेष्टले पहिलो जित दर्ता गर्दा काठमाडौंले पहिलो हार व्यहोरेको छ। जितसँगै फारवेष्ट चौथो स्थानमा उक्लेको छ।
काठमाडौ नाइट्सले दिएको ९९ रनको लक्ष्य फारवेष्ट युनाइटेडले ५ बल अगावै ६ विकेट गुमाएर भेट्टायो।
फारवेष्टका कप्तान हस्मतुल्लाह शाहिदी ५० रनमा नटआउट रहे। उनले ४८ बलमा ३ चौका र २ छक्का हान्दै अर्धशतक पुरा गरे। ओपनर देव खनालले १७ तथा भिम सार्कीले ११ रन थपे। अन्य ब्याटरले दोहोरो अंकको स्कोर छुन सकेनन्।
काठमाडौका अनिल खरेलले २ विकेट झारे। अज्मतुल्लाह ओम्जाई, रायन वर्ल, बसिर अहमद र अविनास बोहोराले समान एक विकेट लिए।
त्यसअघि कीर्तिपुरस्थित त्रिवि क्रिकेट मैदानमा युनाइटेडले टस जितेर फिल्डिङ रोजेपछि ब्याटिङ गरेको काठमाडौले निर्धारित २० ओभरमा ९ विकेटको क्षतिमा ९८ रनको योगफल तयार पारेको थियो।
काठमाडौका एलेक्स ब्लेकले बनाएको ४५ रनमा नटआउट रहे। उनले ३७ बलमा ५ चौका र एक छक्का हाने। कप्तान ज्ञानेन्द्र मल्लले १३ र सन्तोष कार्कीले १२ रन थपे। अन्य ब्याटरले दोहोरो अंकको स्कोर छुन सकेनन्।
फारवेष्टका लागि उमैर अली एक्लैले ३ विकेट लिए। उनले आफ्नो स्पेलमा १५ रन खर्चे। भुवन कार्की, हस्मतुल्लाह शाहीदीले समान २ विकेट झारे। शेर मल्लले एक विकेट आफ्नो नाममा गरे।
प्रतिक्रिया