खेल


अन्तिम खेलमा धर्धरी रोए रोजर फेडरर, नाडालले पनि आँसु रोक्न सकेनन्

अन्तिम खेलमा धर्धरी रोए रोजर फेडरर, नाडालले पनि आँसु रोक्न सकेनन्

कोर्टमै रोइरहेका रोजर फेडरर। तस्बिर : एपी


नेपालखबर
असोज ८ , काठमाडौँ

२० पटकका ग्र्यान्डस्ल्याम च्याम्पियन रोजर फेडररले टेनिस विश्वसबाट बिदा लिएका छन्। शुक्रवार राति लेवर कपमा उनले आफ्नो अन्तिम व्यवासयिक खेल खेले।

लेवर कप को डबल्सतर्फ रोजर फेडरर र रफाएल नडालको जोडी कोर्टमा अमेरिकी जोडी ज्याक सक र फ्रान्सेस टाइफोविरुद्ध उत्रिएको थियो।

कडा भिडन्तमा ४-६ ७-६ (७-२) ११-९ ले फेडरर र नडालको जोडी पराजित भयो।

२५ वर्ष लामो व्यवसायिक करिअरमा यो रोजर फेडररको सिंगल र डबल्स दुवैतर्फ जम्मा १७ सय ५० औँ खेल थियो।

खेल सकिएपछि कोर्टमा बोल्दै फेडरर धेरै भावुक भए। उनी बोल्ने क्रममा धर्धरी रोए। उनीसँगै उनका साथी खेलाडी र परिवारजन पनि आँसुमग्न देखिए।

टेनिसका महानतम खेलाडीमा दरिएका स्विट्जरल्यान्डका रोजर फेडररले शुक्रवा राति गहभरी आँसु बनाउँदै व्यवसायिक टेनिसबाट बिदाइको हात हल्लाए।

यो बिदाइ रोजगरका लागि खास अर्थपूर्ण यसअर्थमा थियो कि लामो समयदेखि चिरप्रतिद्वन्द्वी रहँदै आएका रफाएल नडाल पनि सँगै थिए। 

व्यवसायिक खेल करिअरबाट रिटारमेन्टपछि जब उनी कोर्टबाट निस्किरहेका थिए तब ४१ वर्षीय यी खेलाडीका लागि समर्थकहरुले उभिएर लामो समयसम्म ताली बजाइरहे।

टेनिस इतिहासमा उत्कृष्ट एक खेलाडीमा नाम दर्ता गराउन सफल उनले आफ्नो खेल करिअरमा २० ग्र्यान्ड्सलाम उपाधि जित्न सफल भए।

खेलपछि आफ्नो विदाइ भाषणमा फेडररले भने, 'यो बहुतै शानदार दिन थियो। म बहुतै खुशी छु, दुखी छैन। यहाँ आएर मलाई धेरै राम्रो लागिरहेको छ। म धेरै खुसी छु, किनकि मह यहाँसम्म आइपुग्न सफल भएँ।'

लण्डनको ओटु एरिनामा भए यस खेलका क्रममाहजारौँ प्रशंसक यस ऐतिहासिक क्षणको साक्षी बन्न उपस्थित थिए। फेडररले जब नडाल र आफ्ना अन्य साथीसँग गला मिलाए तब उनी रुन थाले।

यति मात्रै होइन नडालले पनि आफ्नो आँसु रोक्न सकेनन्। ३५ वर्षीय स्पेनिस खेलाडी उनीसँगै बसेका थिए। जब ब्रिटिश गायिका एली गुल्डिङ्गले गाउन थालिन् तब पनि उनीहरु साथमै थिए।

पुरुषतर्फ लामो समयसम्म एक अर्काका प्रतिद्वन्द्वी खेलाडी रहेका फेडरर र नडाल लेवर कपमा युरोपको तर्फबाट मिलेर खेलिरहेका थिए। दुवैको सामना हरेक वर्ष टिम इभेन्टमा अमेरिकी जोडी ज्याक सक र फ्रान्सेसेस टाइफोसँग थियो।

पूरे साल कोर्टबाहिर रहे पनि फेडररले सक र टाइफोसँग सामना गर्दै शानदार खेल देखाए। तर फेडरर र नडालको जोडी ४-६ ७-८ (७-३) ११-९ ले हार्यो।

यस म्याचमा फेडरर र नडालको जोडीलाई 'फेडाल' को नाम दिइयो। र, यो जोडी लगभग खेल जित्ने बिन्दुमा थियो। तर यो हारसँगै फेडररको २५ वर्ष लामो टेनिस करिअर समाप्त भयो। यो उनको सिंगल र डबलको जम्मा १७ सय ५० औँ खेल थियो।

कोर्टमा नै आफ्नो भाषणका क्रममा बोल्दै फेडररले आँसु रोक्न सकेनन्। 'यो एक शानदार यात्रा थियो। म यो फेरि एक पटक दोहोर्‍याउन चाहन्छु।'

रोजर फेडररको टेनिस करियर लगातार संकटमा परिररहेको थियो। बितेका दुई वर्षमा घुँडाको सर्जरीसँग जुधिरहेका उनले यसबाट मुक्ति पाउन तीनवटा अपरेशन गर्नुपरेको थियो। 

अघिल्लो वर्ष विम्बलडको क्‍वार्टर फाइनलमा पोल्यान्डका हुबर्त हरकक्जसँग हारेसँगै उनले कुनै खेल खेलेका थिएनन्।

सन् २०२० को शुरुआतयता अहिलेसम्म ११ ग्र्यान्डस्लामका क्रममा उनी केबल ३ पटक मात्रै कोर्टमा देखिए। यस्तोमा उनी यही जुलाई ठूलो प्रतियोगिताबाट कोर्टमा फर्किने आशा थियो।

तर एक स्क्यानपछि नराम्रो खबर आयो। फेडररले गत साता आफू टेनिसबाट सन्यास लिन लागेको बताएका थिए। 

असोज ८, २०७९, शनिबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
पिनाकी राय
बिजनेश एड्भाइजर
सविन पोखरेल
लेखा तथा प्रशासन प्रमुख
सुरेन्द्र रिजाल
निर्देशक, अटो संस्करण
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad