पोखरामा नगरबस दुर्घटना, २२ जना घाइते

पोखरामा बस दुर्घटना भएको छ। पोखरा महानगरपालिका-२२ स्थित  विश्व शान्ति स्तूपनजिकै बुधबार दिउँसो ग १ ख ३८८६ नम्बरको नगरबस दुर्घटना भएको हो। 

बसमा २६ जना सवार रहेको र २२ जना घाइते भएको प्रहरीको भनाइ छ। घाइतेमध्ये ४ जनाको अवस्था गम्भीर रहेको प्रहरीले जनाएको छ। 

घाइतेहरूलाई तत्काल उद्धार गरी उपचारका लागि पोखरा ल्याइँदैछ। स्थानीय राजु क्षेत्रीले उद्धार कार्य जारी रहेको बताए। बस दुर्घटनाको कारण भने खुलेको छैन।