युनिकोड
संखुवासभा खादबारी नगरपालिका ४ सेखाका नरेश गुरुङको घरमा शौचालय बनाउने क्रममा सेफ्टीट्यांकीमा खसी दुई जना मजदुरको मृत्यु भएको छ।
ढलानको सेटिङ खोल्ने क्रममा अचानक सेफ्टीट्यांकीमा खसी खादबारी ५ का ३७ वर्षीय ताराबिर गुरुङ र खादबारी ४ का २४ वर्षीय ईश्वर बहादुर राईको ज्यान गएको हो।
हिजो साढे ६ बजे सेफ्टिट्यांकीमा खसी बेहोस भएका उनिहरुको तत्काल उद्धार गरी उपचारका लागी जिल्ला अस्पताल खादबारीमा लगिएको थियो।
उपचारकै क्रममा पौने ८ बजे दुवै जनाको मृत्यु भएको हो। घटना सम्बन्धमा जिल्ला प्रहरी कार्यालय संखुवासभाबाट प्रहरी टोली पुगेर थप अनुसन्धान भइरहेको प्रहरीले जनाएको छ।
प्रतिक्रिया