युनिकोड
काठमाडौं उपत्यकामा निषेधाज्ञाको अवधि आज (असार १ गते) देखि एक हप्ता थपिएको छ।
उपत्यकाका तीन जिल्लाका प्रमुख जिल्ला अधिकारीको यसअघि नै बसेको संयुक्त बैठकले गरेको निर्णयअनुसार निषेधाज्ञा असार ७ गते राति १२ बजेसम्मका लागि लम्ब्याइएको हो।
यसअघि तोकिएको निषेधाज्ञाको अवधि सोमबार राति १२ बजेबाट सकिएको छ।
थप भएको निषेधाज्ञा समयमा यसअघिभन्दा केही कुरा सहज बनाइएको छ।
आदेशअनुसार खाद्य पसल खोल्न पाइने समय बढाइएको छ भने पुस्तक र हार्डवेयर पसल पनि तोकिएको समयमा खोल्न पाइनेछ।
खाद्यान्न पसल, डिपार्टमेन्ट स्टोर, फलफूल पसल, पुस्तक पसल बिहान ११ बजेसम्म खोल्न पाइनेछ भने हार्डवेयर पसल अपराह्न ४ बजेदेखि खोल्न पाइने आदेशमा उल्लेख छ।
यस्तै होटल, रेस्टुरेन्टले अब ‘टेक अवे’ सेवा सुरु गर्न पाउने भएका छन्। अनलाईनमार्फत अर्डर लिएर बिहान ७ बजेदेखि टेक अवे सेवा दिन पाउने निर्णय गरिएको काठमाडौंका प्रमुख जिल्ला अधिकारीले बताएका छन्।
निषेधाज्ञा तीनै जिल्ला (काठमाडौं, ललितपुर र भक्तपुर) ले एकै साथ र उही स्वरूपमा निषेधाज्ञा जारी गर्ने गरेका छन्।
यसपटक थप निषेधाज्ञामा के के सहज बनाइयो? तलको आदेशमा विस्तृत :
प्रतिक्रिया