युनिकोड
धनुषाकी एक महिला चार दिनदेखि बेपत्ता भएकी छन्। धनुषाको बटेश्वर गाउँपालिका वडा नं. २ बस्ने देवनारायण महतोकी श्रीमती ४० वर्षीया रामजसी देवी चार दिनअघि घरबाटै बेपत्ता भएकी घरपरिवारले जनाएको छ।
गएको आइतबार दिउँसोदेखि रामजसी बेपत्ता भएको उनका पति देवनारायणले बताए। आफन्तजन सबैतिर खोजविन गर्दा कतै फेला नपरेपछि बुधबार बिहान इलाका प्रहरी कार्यालय सखुवा महेन्द्रनगरमा निवेदन दिएको पति देवनारायणले जानकारी दिए।
चारदिनमा पनि रामजसी फेला नपर्दा उनका सन्तान लगायत घरपरिवार समस्यामा परेको छ।
यता इलाका प्रहरी कार्यालय सखुवा महेन्द्रनगरले निवेदनको आधारमा बेपत्ता महिलाको खोजविन गरिरहेको जनाएको छ।
प्रतिक्रिया