नेपालमा कोरोना संक्रमणबाट थप १२ जनाको मृत्यु, मृतकको संख्या १९५ पुग्यो

कोरोना संक्रमणबाट नेपालमा थप १२ जनाको मृत्यु भएको छ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा कोरोना संक्रमणबाट ४ महिला र ८ पुरुष गरी १२ जनाको मृत्यु भएको बताए।

मृत्यु हुने मोरङका ५६ र ६५ वर्षीया, भक्तपुरकी ६४ वर्षीया र मकवानपुरकी ७१ वर्षीया गरी चार महिलाको रहेका छन्।

त्यस्तै उदयपुरका ५२, पर्साका ७२, धनुषाका ४५, सिरहाका ५५, झापाका, ८३, कास्कीका ५२, चितवनका ५१ र रुपन्देहीका ६० वर्षीय गरी ८ पुरुषको निधन भएको प्रवक्ता गौतमले जानकारी दिए।

योसँगै नेपालमा कोरोनाबाट मृत्यु हुनेको संख्या १९५ पुगेको छ।