उदयपुरको बेलकामा आफू चढेकै ट्याक्टरले किच्दा एक जनाको मृत्यु भएको छ।
उदयपुर जिल्ला प्रहरी कार्यालयका अनुसार बिहीबार साँझ सवा ५ बजे बेलका नगरपालिका वडा नम्बर १, आम्बासीमा स्थानीय ४५ वर्षीय तीर्थबहादुर कार्कीलाई गुडिरहेको को २ त ५१८२ नम्बरको ट्याक्टरबाट लड्दा पछिाडिको चक्काले किचेको हो।
गम्भीर घाइते अवस्थामा धरानस्थित अस्पताल पठाएकामा उपचारकै क्रममा राति सवा ७ बजेतिर उनको मृत्यु भएको उदयपुर प्रहरी प्रवक्ता गोविन्द पुरीले जानकारी दिए।
किच्ने ट्याक्टर र चालक उदयपुरको चौदण्डीगढी वडा नम्बर १ का १८ वर्षीय सूर्य परियारलाई प्रहरीले नियन्त्रणमा लिएको छ।
3
Shares
प्रतिक्रिया