युनिकोड
वाणिज्य, आपूर्ति तथा उपभोक्ता संरक्षण विभागले तोकिएको मूल्यभन्दा बढी मूल्य लिएर उपभोक्तालाई नुन बिक्री गरेको पाइएपछि ललितपुरको इमाडोलस्थित कटुवाल स्टोर्सलाई दुई लाख रुपैयाँ जरिवाना गरेको छ।
विभागको टोलीले गरेको अनुगमनका क्रममा व्यापारीले उपभोक्तासँग बढी मूल्य लिएर नुन बिक्री गरेको पाइएपछि उपभोक्ता संरक्षण ऐन, २०७५ बमोजिम जरिवाना गरिएको विभागले जनाएको छ।
त्यसैगरी विभागले मूल्यसूची नराखी जथाभावी बिक्री गरेको भन्दै ज्ञानेश्वरस्थित राजेन्द्र मिट सप, इमाडोलस्थित मुकेश जुस तथा फलफूल पसल र बाबुलाल फलफूल तथा तरकारी पसल प्रत्येकलाई ५०-५० हजार जरिवाना गरेको छ।
प्रतिक्रिया