युनिकोड
उदयपुरमा ट्याक्टर चोरीको आरोपमा ३ जनालाई प्रहरीले पक्राउ गरेको छ।
जिल्ला प्रहरी कार्यालय उदयपुरले ट्याक्टर चोरीमा संलग्न ३ जनालाई नियन्त्रणमा लिएको जनाएको छ। जिल्लाको त्रियुगा नगरपालिका–१३ बहेडवाका देवनारायण चौधरीको घर अगाडि पार्किङ गरी राखेको स १ त २८२३ नम्बरको ट्याक्टर चोरी भएको थियो।
उक्त चोरी भएको जानकारी पाउनासाथ प्रहरीले खोजतलास गरी असोज ३ गते बिहान त्रियुगा–१३ फुलजोरबाट ट्याक्टर र ट्याक्टर चोरीमा संलग्नलाई नियन्त्रणमा लिएको हो।
पक्राउ पर्नेमा उदयपुको चौदण्डिगढी नगरपालिका–७ का २४ वर्षीय सुदीप चौधरी, चौदण्डिगढी–५ का २५ वर्षीय रोहितकुमार चौधरी र २४ वर्षीय चन्दन कुमार चौधरीलाई उनीहरूले प्रयोग गरेको बा ६३प ५४७५ नम्बरको स्कुटरसहित नियन्त्रणमा लिएको हो।
प्रतिक्रिया