युनिकोड
भारतको चेन्नईमा कोरोना भाइरसबाट मृत्यु भएका एक डाक्टरको अन्तिम संस्कारमा भीडले आक्रमण गरी बिथोलेको छ।
यो हिंसात्मक घटनापछि २० जनालाई पक्राउ गरिएको प्रहरीले जनाएको छ।
न्युरोसर्जन डा. साइमन हर्कुलसको कोरोनाबाट मृत्यु भएको थियो। उनका परिवारका सदस्य तथा आफन्त शनिबार राति अन्तिम संस्कारका लागि गएका थिए।
तर, २० जनाको समूहले उनीहरुमाथि आक्रमण गरेको थियो। आक्रमणमा दुई एम्बुलेन्स चालक घाइते भएका छन्।
प्रहरीले ती आक्रमणकारीहरु समाधिस्थलनजिकै बस्नेहरु रहेको बताएको छ। नजिकै कोरोना संक्रमितलाई गाड्दा आफूहरुलाई सर्ने भयका कारण सो आक्रमण भएको प्रहरीको भनाइ छ।
सोमबार बिहान परिवारका सदस्यबिनै हर्कुलसको अन्तिम संस्कार गरिएको बताइएको छ। एजेन्सी
प्रतिक्रिया