युनिकोड
हाल उनी क्वारेन्टिनमा छन्। २४ वर्षका सोनु कुमार चौहान लुदियाना पन्जामबा फ्याक्ट्रीमा काम गर्ने कामदार हुन्। उनको विवाह अप्रिल १५ मा उत्तर प्रदेश महाराजगंजमा हुने तय भएको थियो।
तर लकडाउन भएपछि सार्वजनिक यातायात बन्द भयो। उनले तीन साथी सँग साइकलमै घर जाने निधो गरे।
एक हप्तासम्म दिनरात साइकलमा उनीहरु हिँडेका थिए। तर घर पुग्न मात्र १ सय ५० किलोमिटर बाँकी रहँदा बलरामपुर जिल्लामा उनीहरुलाई प्रहरीले रोकेर क्वारेन्टिनमा राखेको छ।
विवाह हुने भनिएको दुई दिन अगाडि उनलाई र उनका साथीलाई प्रहरीले नियन्त्रणमा लिएको थियो। उनीहरुलाई १४ दिन क्वारेन्टिनमा राखिने प्रहरीले बताएका छन्।
चौहान भन्छन्,‘यदी प्रहरीले नियन्त्रणमा नलिएको भए म यतिबेला विवाह बन्धनमा बाँधिसकेको हुन्थे।’
भारतमा मे ३ सम्म लकडाउन घोषणा भएको छ। बाहिरी जिल्लाबाट आउने मानिसलाई भारतका राज्यहरुले क्वारेन्टिनमा राख्ने गरेको छ। सीएनएन
प्रतिक्रिया