लकडाउनमा बिहे गर्ने बेहुला–बेहुली पक्राउ

दक्षिण अफ्रिकामा लकडाउनको नियम उल्लंघन गरेर विवाह गर्ने जोडी पक्राउ परेको छ।

दक्षिण अफ्रिकामा सरकारले कोरोना भाइरस रोकथामका लागि देशव्यापी लकडाउन घोषणा गरेको छ। तर, क्वाजुलु नाटाल प्रान्तका एक जोडीले यही मौकामा विवाह गरेका थिए।

विवाहलगत्तै भोज चलिरहँदा आइतबार उनीहरुलाई पक्राउ गर्न प्रहरी आइपुगेको थियो।

प्रहरीले भोजमा सामेल ५० जना पाहुना र विवाह गराउने पास्टरलाई समेत समातेको छ।

सोमबार उनीहरुलाई अदालत पुर्‍याइनेछ।

सामाजिक सञ्जालमा भाइरल भएको एक भिडियोमा पक्राउ पर्दै गर्दा बेहुलाले बेहुलीलाई प्रहरीको गाडीमा चढाउन सहयोग गरिरहेको देख्न सकिन्छ।

A couple arrested on their wedding day at Nseleni in KwaZulu-Natal for violating the lockdown rules and regulations as they decided not to postpone their big day 1 pic.twitter.com/lyWCpaTUT0

— Mzilikazi wa Afrika (@IamMzilikazi) April 5, 2020

दक्षिण अफ्रिकामा हालसम्म १ हजार ६ सय ५५ जना संक्रमित भएका छन् भने ११ जनाको मृत्यु भएको छ। बीबीसी