नाबालिकालाई दबाब दिई अनुचित लाभ लिन खोज्ने व्यक्ति पक्राउ

सामाजिक सञ्जालमार्फत नाबालिकालाई दबाब तथा प्रभावमा पारी अनुचित लाभ लिन खोजेको आरोपमा एक व्यक्ति पक्राउ परेका छन्।

पक्राउ पर्नेम काठमाडौं महानगरपालिका १६ खरिबोट बनस्थली बस्ने वर्ष २० को आयुष कुँवर रहेका छन्।
 
उनले सामाजिक सञ्जाल स्न्यापच्याट चलाउने क्रममा साथी बनी, फकाईफुल्याई म्यानुपुलेटसमेत गरि अनुचित लाभ लिनका लागि अनलाइन माध्यमबाट अश्लिलता प्रदर्शन गर्न बाध्य पारी स्क्रिन रेकर्ड गरी राखेको प्रहरीले जनाएको छ।

सो विषय नाबालिकाले अभिभावकलाई जानकारी गराएपछि प्रहरीको साइबर ब्यूरोले कुँवरलाई पक्राउ गरेको हो।

निज उपर विद्युतीय (इलेक्ट्रोनिक) कारोबार ऐन, २०६३ अन्तर्गतको कसूरमा मुद्दामा जिल्ला अदालत काठमाडौंको आदेशले ५ दिन म्याद थप भई आवश्यक अनुसन्धान भइरहेको ब्यूरोले जनाएको छ।