बारामा बस दुर्घटना हुँदा १३ जना घाइते, दुईको अवस्था गम्भीर

बारा जिल्लाको जितपुर सिमरा उपमहानगरपालिका–१६ स्थित पसाहा पुल नजिकै बस दुर्घटना हुँदा १३ जना घाइते भएका छन्।

मलंगवाबाट वीरगञ्जतर्फ जाँदै गरेको ना४ ख ७१९४ नम्बरको यात्रुवाहक बस गति दुर्घटनामा परेको हो।

दुर्घटनामा घाइते भएका १३ जनाको सशस्त्र प्रहरीले सकुशल उद्धार गरेको छ। उनीहरूमध्ये २ जनाको अवस्था गम्भीर रहेको सशस्त्रका सहप्रवक्ता डीएसपी शैलेन्द्र थापाले जानकारी दिए।
३१ जना यात्रु सवार सो बस अनियन्त्रित भइ दुर्घटना भएको प्रहरीले जनाएको छ। ।