युनिकोड
काठमाडौँ महानगरपालिकाले १८ वर्षमुनिका बालबालिकालाई जोखिमपूर्ण श्रममा नलगाउन आग्रह गरेको छ।
महानगरपालिकाले आज (शुक्रबार) सूचना जारी गर्दै १८ वर्षमुनिका बालबालिकालाई जोखिमपूर्ण श्रममा लगाउनु कानुनी अपराध भएको जानकारी दिएको हो।
‘काठमाडौँ महानगर क्षेत्रभित्रका होटेल, बार, रेस्टुरेन्ट, घर, यातायात, निर्माण सेवा लगायतका क्षेत्रमा गैरकानुनी रूपमा बालबालिकालाई श्रममा लगाइएको पाइएमा प्रचलित कानुनबमोजिम कारबाही हुने व्यहोरा सम्बन्धित सबैमा सूचित गरिन्छ,’ महानगरको सूचनामा भनिएको छ।
महानगरले कहीँ कतै बालबालिकालाई जोखिमपूर्ण श्रममा लगाएको वा कानुनले तोकेबमोजिमका विशेष संरक्षणको आवश्यकता भएका कुनै पनि बालबालिकालाई वा जीविकोपार्जनमा अत्यन्तै समस्यामा परी श्रममा आउन बाध्य भएको पाइएमा त्यस्ता बालबालिकालाई महानगरपालिको पैसा नलाग्ने नम्बर ११८० वा १६६००१०५५११ मा सम्पर्क गर्नसमेत अपिल गरेको छ।
हेर्नुहाेस् सूचना
प्रतिक्रिया