युनिकोड
सहिद गंगालाल राष्ट्रिय हृदय केन्द्रका शल्यचिकित्सक डा.रामेश कोइरालाले राजीनामा दिने संकेत गरेका छन्।
राति साढे ९ बजेतिर उनले सामाजिक सञ्जालमा अस्पतालमा राजनीतिक हस्तक्षेपप्रति असन्तोष प्रकट गर्दै राजीनामा दिन लागेका जनाउ दिएका छन्।
उनले लेखेका छन्,‘देशमा स्वास्थ्य र शिक्षा सरकारको दायित्व हो भन्न म मन नपरीकन पनि कसोकसो सरकारीबाट राजीनामातिर पुग्दैछु। मेरो भान्साबारे चिन्तै गरेर दण्डवत्को हैसियतमा त छुइनँ नै। सरी गंगालाल र धन्यवाद भाउजू! जय नेपाल!’
उनको यस सन्देशलाई लिएर धेरैले चिन्ता र सहानुभूति दर्शाएका छन्। त्यसमा उनले जवाफ फर्काउँदै भनेका छन्, ‘सिधै महामन्त्रीद्वयलाई भनियो, यो ताण्डवको विपक्षमा हैनौ भने तिमीहरूको हैसियत के? म त घर जसरी पनि चलाउँछु,तर तिमेरले देश चलाउन्नौ!’
उनले कुनै दल वा पात्रको नाम नलिइकन गंगालाल अस्पतालमा राजनीतिक चलखेल भएको संकेत गरेका छन्।
प्रतिक्रिया