सुनवलमा मोटरसाइकल दुर्घटना हुँदा एक युवकको मृत्यु

नवलपरासीको सुनवलमा गएराति मोटरसाइकल दुर्घटना हुँदा एक युवकको मृत्यु भएको छ। 

दुर्घटनामा नवलपरासीको रामग्राम नगरपालिका- १४ पर्सावलका ३० वर्षीय हेम खवासको मृत्यु भएको प्रहरीले जनाएको छ।

सुनवल नगरपालिका- ४ स्थित सडकममा लु.३९प ३५५७ नम्बरको मोटरसाइकल दुर्घटना हुँदा खवासको मृत्यु भएको जिल्ला प्रहरी कार्यालय नवलपरासीले जनाएको छ। उनी सोही मोटरसाइकलको पछाडि सबार थिए।

दुर्घटनामा गम्भीर घाइते भएका उनको जिल्ला अस्पताल नवलपरासी पश्चिममा उपचारको क्रममा मृत्यु भएको हो। 

दुर्घटनापछि मोटरसाइकल चालकलाई प्रहरीले पक्राउ गरेको छ। घटनाका सम्बन्धमा आवश्यक अनुसन्धान भइरहेको प्रहरीले जनाएको छ।