कपिलवस्तुमा गोठसँगै भैंसी जल्यो

कपिलवस्तुमा गोठमा आगलागी हुँदा भैंसी मरेको छ। जिल्लाको विजयनगर ४ डगडौवाका भरत किशोर यादवको गोठमा आगलागी भएको हो। 

आगलागीमा परी एउटा भैसीं मरेको छ भने पाडा घाइते भएको छ। गोठमा पछाडि फालेको खरानीभित्र रहेको आगो सल्केको हो।

आगलागीबाट गोठसहित सँगै टाँसिएको भान्साघर र भुजा भुट्ने टहरोमा पनि क्षति पुगेको विजयनगर ४ का वडाध्यक्ष तिलकराम कँडेलले जानकारी दिए। 

शनिबार दिउँसो साढे १२ बजेदेखि लागेको आगो आधा घण्टापछि निभाइएको जिल्ला प्रहरी कार्यालय (कपिलवस्तु) ले जनाएको छ। घटनाबारे थप अनुसन्धान भइरहेको प्रहरीले जनाएको छ।