प्रतिनिधिसभा समानुपातिकतर्फ जारी मत गणनामा जनता समाजवादी पार्टी (जसपा) ले ३ लाख कटाएको छ।
निर्वाचन आयोगका अनुसार आज दिउँसो ३:१२ बजेसम्म जसपाले ३ लाख ३ सय ३० समानुपातिक मत ल्याएको हो।
यस्तै राष्ट्रिय प्रजातन्त्र पार्टी (राप्रपा) ले समानुपातिक मतको संख्या ५ लाख कटाएको छ। यो खबर तयार पार्दासम्म उसले ५ लाख ९ हजार ४ सय ४२ मत ल्याएको छ।
समानुपातिकतर्फ पहिलो स्थानमा रहेको एमालेले चाहिँ मत संख्या २४ लाख पुर्याउन लागेको छ। अहिलेसम्म उसले २३ लाख ९१ हजार ७ सय ७८ मत प्राप्त गरेको छ।
दोस्रोमा कांग्रेसले २२ लाख ८३ हजार ६ सय ९० मत ल्याएको छ भने तेस्रो नम्बरमा रहेको नेकपा माओवादी केन्द्रले अहिलेसम्म ९ लाख ९९ हजार ८ सय ९० मत पाएको छ। समानुपातिकतर्फ चौथो नम्बरमा रहेको राष्ट्रिय स्वतन्त्र पार्टीले ९ लाख ५८ हजार ७ सय ३ मत ल्याएको छ।
Shares
प्रतिक्रिया