युनिकोड
पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईले संविधानको धारा ७६ उपधारा २ र ३ मा पराजित प्रधानमन्त्री केपी शर्मा ओलीले अहिले प्रधानमन्त्री पदमा दाबी नै गर्न नमिल्ने दाबी गरेका छन्।
ट्विटरमा उनी लेख्छन् :
— Baburam Bhattarai (@brb1954) May 21, 2021धारा७६(५)को गुदी“कुनै सदस्य”हो भने धारा७६(२)को गुदी“दुइ वा दुइ भन्दा बढी दल”हो।अर्थात् धारा७६(५)मा कुनै सदस्यले दावी गर्ने हो र सदस्यले नै समर्थन गर्ने हो!अत:यहाॅ दलको पत्र हैन सदस्यको हस्ताक्षर प्रमाण हो।अर्को कुरा,उपधारा(२) र (३)मा पराजित प्रमले(५)मा दावी गर्नैमिल्दैन!झेल नगर! pic.twitter.com/mobKX5i8h7
आज संविधानको धारा ७६ (५) अनुसार सत्तारूढ एमालेकै माधव नेपाल पक्षका सांसदसमेतको समर्थनमा विपक्षी गठबन्धनबाट कांग्रेसका सभापति शेरबहादुर देउवाले आफूसँग बहुमत १४९ सांसदको हस्ताक्षरसहित आफूलाई प्रधानमन्त्री पदमा नियुक्ति दिन राष्ट्रपतिसमक्ष दाबी पेस गरेका छन् भने बहालवाला प्रधानमन्त्री ओलीले पनि आफूसँग झन् १५३ सांसद साथमा रहेको दाबी गर्दै फेरि आफैंलाई प्रधानमन्त्री बनाउन दाबी पेस गरेका छन्। जसले गर्दा कसलाई प्रधानमन्त्री बनाउने भन्ने विषयमा राष्ट्रपति विद्यादेवी भण्डारी अन्योलमा परेकी छन्। उनले कानुन हेरेर यस विषयमा निर्णय गर्ने बताएकी छन्।
नयाँ सरकार गठनका लागि राष्ट्रपति भण्डारीले तोकेको समयसीमा अघि अपराह्न ५ बजे पूरा भइसकेको छ। अब नतिजा आउन मात्र बाँकी छ।
प्रतिक्रिया