प्रमुख प्रतिपक्षी दल नेपाली कांग्रेसले मंसिर २९ गते देशभर गर्न लागेको विरोध प्रदर्शनमा सर्वसाधारणलाई सडकमा ओर्लन आग्रह गर्दै एक भिडियो सार्वजनिक गरेको छ।
शनिबार कांग्रेस प्रवक्ता विश्वप्रकाश शर्माले सामाजिक सञ्जाल ट्विटरमा उक्त भिडियो सार्वजनिक गर्दै २९ गतेको सरकारविरोधी प्रदर्शनमा साथ दिन सबैमा आग्रह गरेका छन्।
‘यही मंसिर २९ गते सोमबार ७७ जिल्लामा हामी एकसाथ सडकमा ओर्लन लाग्दैछौँ, विसंगतिहरुको विरुद्धमा, लोकतन्त्रको पक्षमा। तपाईं त्यो दिन के गर्दै हुनुहुन्छ?’ प्रवक्ता शर्माद्वारा प्रस्तुत भिडियोमा भनिएको छ, ‘जनता कोरोनाको मारमा रहेको, सरकार सत्ताको जित हारमा छ तपाईं सरकारलाई कडा दबाब दिन चाहनुहुन्छ भने मंसिर २९ गते सडकमा आउनुहोस्।’
तनहुँ घटना लगायतका अनेक दमन साक्षी रहेको, जनताको अधिकार एक एक गरेर खोस्दै गएको भन्दै सर्वसत्तावादलाई रोक्न सडकमा आउनुपर्ने भिडियो बताइएको छ। त्यस्तै भ्रष्टाचारका विरोधमा सरकारलाई कठघरमा उभ्याउनका लागि पनि सडकमा आउनुपर्ने कांग्रेसको भनाइ छ।
उक्त भिडियोमा कतै प्रवक्ता शर्मालाई देखाइएको छ भने कतै विभिन्न फुटेजहरु देखाइएको छ।
हेरौँ भिडियो
— Bishwa Prakash शर्मा (@bishwaprakash77) December 12, 2020
प्रतिक्रिया