युनिकोड
राष्ट्रिय प्रजातन्त्र पार्टी (राप्रपा) ले निर्वाचन आचारसंहिताको पालना गराउने सवालमा निर्वाचन आयोगको भूमिकाप्रति गम्भीर प्रश्न उठाएको छ।
राप्रपा प्रवक्ता मोहन श्रेष्ठले आज एक विज्ञप्ति जारी गर्दै राष्ट्रिय स्वतन्त्र पार्टी (रास्वपा) तर्फ संकेत गर्दै 'घण्टी' चिह्न भएकाहरूले ध्वनि प्रदूषण गरिरहँदा पनि आयोग मुकदर्शक बनेको आरोप लगाएका हुन्।
विज्ञप्तिमा के के छ?
आयोगको मौनता: घण्टी चिह्न भएकाहरूले आचारसंहिता विपरीत ध्वनि प्रदूषण गर्दै देशव्यापी प्रचार गर्दा आयोगले नदेखेझैँ गर्नु विडम्बनापूर्ण रहेको राप्रपाको ठहर छ।
तर्कपूर्ण प्रश्न: विज्ञप्तिमा भनिएको छ, "खुकुरी चिह्न हुनेले खुकुरी नचाउँदै वा डोजर चिह्न हुनेले सडक अवरुद्ध गर्दै हिँडे भने के आयोगले त्यसलाई पनि स्वीकार गर्छ?"
सामाजिक सद्भावको अपिल: राप्रपाले रौतहटमा पछिल्लो समय विकसित घटनाक्रमले सामाजिक एकता र सद्भाव खल्बल्याउन खोजेको भन्दै चिन्ता व्यक्त गरेको छ। पार्टीले साम्प्रदायिक वैमनस्यता नफैलाउन र एकता कायम राख्न सबैमा अपिल समेत गरेको छ।
राप्रपाले निर्वाचनको निष्पक्षता कायम राख्न र सबै दललाई समान व्यवहार गर्न आयोगको ध्यानाकर्षण गराएको छ।
प्रतिक्रिया