अपराह्नसम्म एक हजार १९१ जनाको उम्मेदवारी दर्ता

प्रतिनिधि सभा सदस्यका लागि मंगलबार अपराह्नसम्म एक हजारभन्दा बढीले उम्मेदवारी दर्ता गराएका छन्। 

देशका सबै क्षेत्रमा उम्मेदवारी दर्ताको क्रम चलिरहेको छ। अपराह्न ३ बजेसम्म १६४ क्षेत्रमा एक हजार १९१ जनाको उम्मेदवारी दर्ता भएको निर्वाचन आयोगका सहायक प्रवक्ता कुलबहादुर जीसीले जानकारी दिए। 

आगामी फागुन २१ गते हुने निर्वाचनका लागि बिहान १० बजेदेखि उम्मेदवारी दर्ता भइरहेको छ।