युनिकोड
काठमाडौँ महानगरका प्रमुख बालेन्द्र शाह (बालेन) र उपप्रमुख सुनीता डंगोलले कार्यपालिका र नगरसभा बैठक सञ्चालन गर्नेबारे छलफल गरेका छन्। उनीहरूबीच औपचारिक रुपमा ५ महिनापछि बैठक र छलफल भएको हो।
'मेयर, उपमेयर र केही वडा अध्यक्षहरूबीच बुधबार महानगरको कार्यपालिका बैठक बोलाउने र बजेटमा के कसरी गर्ने भन्नेबारे छलफल भयो,' महानगर स्रोतले भन्यो,'मेयर र उपमेयर गत पुसपछि पहिलोपटक औपचारिक रुपमा यसरी छलफल भएको हो।' कार्यपालिकाको बैठक पुस १४ गते बसेको थियो।
मेयर र उपमेयरसँगैको छलफलमा नेकपा एकीकृत समाजवादीका वडा नम्बर १५ का अध्यक्ष ईश्वरमान डंगोल, प्रवक्तासमेत रहेका वडा नम्बर १७ का कांग्रेसका अध्यक्ष नवीन मानन्धर र वडा नम्बर ३२ का अध्यक्ष एमालेका नवराज पराजुली पनि सहभागी थिए।
प्रमुख प्रशासकीय अधिकृत सरोज गुरागाईंलाई महानगरमा हाजिर गर्न दिने र नदिने विषयमा मेयर र उपमेयरबीच विवाद भएको थियो। पछि बहुमत वडा अध्यक्ष र कर्मचारीको बलमा उपमेयर डंगोलले उनलाई महानगरमा हाजिर गर्ने वातावरण बनाएकी थिइन्।
प्रतिक्रिया