एमाले सचिवालय बैठक एक घण्टा पछि धकेलियो

सत्तारुढ नेकपा एमालेको सचिवालय बैठक एक घण्टापछि सरेको छ। प्रधानमन्त्री केपी शर्मा ओलीको सचिवालयका अनुसार बैठक अब ३ बजे बस्नेछ।

यसअघि ललितपुरको च्यासलस्थित एमाले केन्द्रीय कार्यालयमा आइतबार दिउँसो २ः०० बजे बस्नेगरी बैठक आह्वान गरिएको थियो।
 
बैठकमा आगामी आर्थिक वर्षको नीति तथा कार्यक्रम र बजेटका सन्दर्भसहित समसामयिक राजनीतिक विषयमा छलफल हुने प्रचार विभाग प्रमुख राजेन्द्र गौतमले जानकारी दिए।