युनिकोड
निजामती कर्मचारीका संघ संगठनहरूले निजामती सेवामा प्रवेशको उमेर नघटाउन सुझाव दिएका छन्। संघीय निजामती सेवा विधेयक संसद्को राज्य व्यवस्था तथा सुशासन समितिमा छ।
विधेयकमाथि आफ्नो राय राख्दै निजामती कर्मचारीका विभिन्न संघ संगठनहरूले सेवा प्रवेशको उमेर नघटाउन सुझाव दिएका हुन्। विधेयकमाथि छलफलको क्रममा समितिले शुक्रबार निजामती कर्मचारीका विभिन्न संगठनका अध्यक्षहरूलाई बोलाएको थियोे।
तर, कर्मचारी संगठनका अध्यक्षहरूले यसो गर्न नहुने बताएका छन्। छलफलमा बोल्दै एमालेनिकट निजामती कर्मचारीहरूको संस्था निजामती कर्मचारी संगठनका अध्यक्ष लेखनाथ कोइरालाले सेवा प्रवेशको उमेर महिलाको ४० र खुल्ला ३५ नै हुनुपर्ने बताए।
निजामती कर्मचारी संगठनले अवकाशको उमेर ६० वर्ष हुनुपर्ने सुझाव दिएको छ। यसैगरी, छलफलमा नेपाल मधेसी निजामती कर्मचारी मञ्चका अध्यक्ष भुवनेश्वर चौधरीले पनि सेवा प्रवेशको उमेर घटाउन नहुने राय राखे।
चौधरीले भने, ‘सेवा प्रवेशको उमेर घटाउन हुँदैन। ४० र ३५ जुन छ, त्यो नै यथावत राख्नुपर्छ।’ विधेयकमा सरकारले सेवा प्रवेशको उमेर घटाउने प्रस्ताव गरेपछि ६० भन्दा धेरै सांसदले उमेर घटाउन नहुने भन्दै संशोधन हालेका छन्।
प्रतिक्रिया