युनिकोड
आज (मंगलबार) बिहान बसेको सत्तारुढ दल नेकपा माओवादी केन्द्रको पदाधिकारी बैठकमा सुन तस्करी प्रकरणमा पक्राउ परेका उपाध्यक्ष कृष्णबहादुर महराका विषयमा छलफल भएको छ।
बैठकमा पदाधिकारीहरूले आआफ्ना धारणा राखेको तर निष्कर्षमा पुग्न बाँकी रहेको बैठकपछि माओवादी केन्द्रका प्रवक्ता अग्नि सापकोटाले बताए।
‘उपाध्यक्ष कृष्णबहादुर महराको विषयमा राम्रोसित छलफल भएको छ’, बैठकपछि सञ्चारकर्मीसँग सापकोटाले भने, ‘यसको हरेक पाटो पक्षमा गम्भीरतापूर्वक छलफल भएको छ। छिटोभन्दा छिटो निष्कर्षमा पुग्छ।’
महरालाई जिम्मेवारीबाट मुक्त गर्ने विषयमा के कुरा भयो भन्ने पत्रकारको प्रश्नमा सापकोटा भने, ‘विविध कोणबाट छलफल भइरहेको छ । निष्कर्ष आएपछि तपाईंहरुलाई जानकारी गराउँछौँ।’
महरालाई सीआईबीको टोलीले सोमबार जरुरी पक्राउ पुर्जी दिएर कपिलवस्तुबाट पक्राउ गरेको थियो।
प्रतिक्रिया