युनिकोड
नेपाली कांग्रेसका नेता गुरुराज घिमिरेले राष्ट्रिय स्वतन्त्र पार्टीका सभापति रवि लामिछानेलाई पदप्रति धेरै आशक्त नहुन सुझाव दिएका छन्।
माघ १३ गते सर्वोच्च अदालतको फैसलापछि सांसदसहित सबै पद गुमाएका रविले गृहमन्त्रालयमा फर्किन जोडबल गरिरहेपछि घिमिरेले यस्तो बताएका हुन्।
उनले देशको कानुन पालना गरेर मात्रै अघि बढ्न सकिने बताउँदै आफूमाथिको छानबिन नटुंगिएसम्म मन्त्रीमा फर्किने प्रयास नगर्न भनेका हुन्।
'देशको कानुन पालना गरेर मात्रै अघि बढ्न सकिन्छ रविजी', उनले भनेका छन्, 'तपाईंमाथिको छानबिन जारी छ। छानबिन टुङ्गिन दिनुस्। न्यायालयको ढुकढुकी बाँकी नै छ। आफूले बोलेको कुरामा अडिनुस्।'
उनले भर्खरै राजनीतिमा लागेकाले स्वच्छ छवि आवश्यक हुने सुझाव पनि रविलाई दिएका छन्।
'भर्खरै राजनीतिमा लाग्नुभएको छ, स्वच्छ छवि बनाउनुस्', उनले भनेका छन्, 'पदप्रतिकोआशक्ति नदेखाउनुस्। प्रचलित राजनीतिज्ञ नबन्नुस्, हाम्रो सल्लाह।'
प्रतिक्रिया