युनिकोड
नेकपा (एकता राष्ट्रिय अभियान)का संयोजक वामदेव गौतमले आफूलाई माओवादीको चुनाव चिन्हबाट निर्वाचन लड्दा सजिलो हुने बताएका छन्।
‘माओवादीको चुनाव चिन्हमा मलाई सजिलो पर्ने भयो,’ गौतमले भने, ‘प्रचण्डजीलाई मैले जिम्मा दिएको छु। उहाँले दाबी गर्नुहुन्छ कि उहाँले नै दिनुहुन्छ त्यो उहाँको कुरा।’
गौतमले मंगलबार निर्वाचन आयोगमा संचारकर्मीसँग कुरा गर्दै उनले भने, ‘प्रचण्डजीको हिस्साबाट मैले सिट पाउँछु।’
चुनाव चिन्ह दिन प्रचण्डलाई जिम्मा दिएको गौतमले बताए।
साथै,प्रतिनिधिसभा निर्वाचनमा उम्मेदवारी दिने बताए। निर्वाचन आयोगमा कानुनी जटिलताका विषयमा बुझ्नका लागि पुगेको गौतमले भने।
गौतम हाल राष्ट्रियसभा सदस्य छन्। ‘चुनाव चिन्ह मलाई दिने र मेरो भूमिका के हुन्छ भन्ने विषयमा समझदारी गरौं भन्दा प्रचण्डले सहर्ष स्वीकार गर्नुभएको छ।’ गौतमले भने।
प्रतिक्रिया