सत्ता साझेदार नेकपा माओवादी केन्द्रले १२५ सदस्यीय पोलिटब्युरो बनाएको छ। अहिले ती नामहरू प्रज्ञा भवन कमलादीमा बाचन भएको छ।
असार १९ गतेदेखि जारी केन्द्रीय कमिटी बैठकमा अध्यक्ष पुष्पकमल दाहाल प्रचण्डले बिहीबार १२५ सदस्यीय पोलिटब्युरो घोषणा गरेका हुन्।
पोलिटब्युरोको वरीयताको पहिलो नम्बरमा प्रचण्डकै नाम छ। त्यसपछि वरिष्ठ नेता नारायणकाजी श्रेष्ठ र तेस्रो नम्बरमा पूर्व सभामुखसमेत रहेका कृष्णबहादुर महराको नाम रहेको छ।
माओवादीले गत पुसमा काठमाडौंमा आठौं महाधिवेशनबाट अपूरो केन्द्रीय कमिटी बनाएको थियो। त्यसलाई पनि यही बैठकमा पूर्णता दिइएको छ।
प्रचण्डमाथि अहिले पार्टीभित्रबाटै पोलिटब्युरो, स्थायी कमिटी र महासचिवसहितका पदाधिकारी पनि यथाशिघ्र टुंग्याउन दबाब छ।
2.2k
Shares
प्रतिक्रिया