हङकङमा बढ्दैछ टाउनग्यासको मूल्य, कति पुग्छ?

हङकङको सबैभन्दा ठूलो पाइप-ग्यास प्रदायक हङकङ र चाइना ग्यास कम्पनी (टाउनग्यास)ले अगस्टदेखि मूल्य बढाउने भएको छ।

उच्च सञ्चालन लागतलाई उद्धृत गर्दै कम्पनीले आगामी दुई वर्ष अरू परिवर्तन नगर्ने वाचासहित ४.४ प्रतिशत शुल्क बढाउन लागेको हो।

मूल्यवृद्धिसम्बन्धमा टाउनग्यासले बिहीबार स्पष्ट पारेको छ- व्यावसायिक र औद्योगिक ग्राहकले प्रतिमहिना ३२० हङकङ डलरभन्दा बढी तिर्नु पर्ने छैन भने आवासीय ग्राहकले प्रतिमहिना अधिकतम १० हङकङ डलर बढी तिर्नुपर्नेछ।

बढ्दो सञ्चालन खर्चका साथै ग्यास उद्योगमा उच्च श्रम लागतलाई बढावा दिएको समेत कम्पनीले स्पष्ट पारेको छ।

टाउनग्यासले उत्तरी महानगर मेगाडेभलपमेन्ट जस्ता नयाँ विकसित क्षेत्रका लागि ग्यास आपूर्तिमा लगानी गर्न आवश्यक पर्ने भएकोले मूल्यवृद्धिको औचित्य पुष्टि गर्न खोजेको छ। यस कार्यवापत सन् २०२६ र त्यसपछिका पाँच वर्षमा कुल पुँजीगत खर्च १३.१ अर्ब हङकङ डलर पुग्ने कम्पनीले बताएको छ।

‘आधारभूत महसुल र मासिक मर्मत शुल्क आगामी दुई वर्षमा थप समायोजन गरिने छैन,’ अबका दुई वर्ष मूल्य नबढाउने सम्बन्धमा कम्पनीले विश्वस्त पार्न खोजेको छ।