यस वर्ष हङकङमा आउन सक्छन् ७ वटा आँधी

हङकङका मौसम पूर्वानुमानकर्ताले यो वर्षको जुनदेखि अक्टोबरसम्म हङकङमा चारदेखि सात वटासम्म आँधी आउन सक्ने बताएका छन्। गएको वर्ष सहरले १४ वटा आँधीको सामना गर्नुपरेको थियो।

हङकङ अब्जर्भेटरीले सोमबार बताएअनुसार एल निनो मौसमी प्रभावका कारण यस वर्ष सहरको तापक्रम भने औसतभन्दा बढी तातो रहनेछ।

अब्जर्भेटरीका निर्देशक चान पाकले यस वर्ष हङकङमा उष्णकटिबन्धीय चक्रवात मौसम जुन महिना वा यसपछि सुरु हुने र अक्टोबर वा त्यसअघि बन्द हुने अनुमान रहेको बताए। यी आँधी हङकङबाट पाँच सय किलोमिटरको दूरीसम्म रहने र चारदेखि सात वटासम्म आउन सक्ने उनले बताए।

चानका अनुसार यस वर्षको मध्यतिर एल निनो घटना विकसित हुने सम्भावनाले धेरै क्षेत्र र समुद्रमा अत्यधिक गर्मीको सम्भावना बढाउँछ। ‘यस वर्ष हङकङको वार्षिक औसत तापक्रम सामान्यभन्दा माथि रहने अनुमान गरिएको छ र रेकर्डमा सबैभन्दा तातो शीर्ष १० मा पुग्ने उच्च सम्भावना छ,’ उनले भने।

२०२६ औसतमा कम आँधीबेहरीको अनुमान गरिए पनि भारी वर्षा र मुसलधारे वर्षाको सम्भावना भने रहेको अब्जर्भेटरीको अनुमान छ।

चानले यो पनि थपे कि, विगतका एल निनो वर्षहरूमा १० नम्बर आँधीको संकेत जारी गरिएको थियो, जस्तै २०२३ मा सुपर टाइफुन साओला। त्यस्तै, २०२५ मा हङकङमा रेकर्ड गरिएको छैटौँ अत्यधिक तातो वर्ष थियो।

यस्तै, गएको डिसेम्बर र यस वर्षको फेब्रुअरीबीचको समय पनि जाडो रेकर्ड गरिएको सबैभन्दा कम जाडो थियो, जसको औसत तापक्रम १९.३ डिग्री सेल्सियस रह्यो, जुन सामान्यभन्दा दुई डिग्री बढी हो।

हङकङमा सन् १९९९ देखि सतर्कता प्रणाली सञ्चालन सुरु भएदेखि गतवर्षको नोभेम्बर र डिसेम्बरमा चिसो मौसमको चेतावनी लागु नभएको पहिलो पटक थियो।