हङकङमा पदयात्रीको मृत्यु

आइतबार हङकङको साइकुङमा एक पदयात्रीको मृत्यु भएको छ। दिउँसो साढे ४ बजे ताइलङ वान समुद्री तटमा एक व्यक्ति बेहोस अवस्थामा लडेको सूचना प्रहरीले पाएको थियो।

यसपछि उद्धारका लागि पुगेको सरकारी उडान सेवाको हेलिकप्टरले चाइवानस्थित पामेला युड नेदरसोल पूर्वी अस्पताल लगिएकोमा अस्पतालले मृत घोषित गर्‍यो।

प्रहरी स्रोतका अनुसार मृतकको शरीरमा कुनै चोटपटक देखिएको छैन। मृत्यु हुने ६९ वर्षीय वृद्ध हुन्। उनीसँगै शार्प पिक क्षेत्रमा ९ जनाको समूह पदयात्रामा गएको साउथ चाइना मर्निङ पोस्टमा उल्लेख छ।