हङकङ : नियन्त्रण गुमाएको बस रेलिङमा ठोकियो, लामतिनमा यातायात अवरुद्ध

हङकङको युनलङ राजमार्गमा सोमबार बिहान केएमबी बस फलामको रेलिङमा ठोकिएपछि लामतिनमा यातायात अवरुद्ध भएको छ।

बिहान १० बजे युनलङ राजमार्गबाट युनलङतर्फ जाँदै गरेको बस फुताई स्टेटको विपरीत पुग्दा सडकको देब्रेपट्टि रहेको फलामको रेलिङमा ठोकिएको हो।

ठक्करबाट बसको अग्रभागको बायाँतर्फ क्षति पुगेको छ। जसका कारण विन्डशिल्ड चकनाचुर भयो भने ढोका र बम्पर भत्कियो। सकारात्मक कुरा चाहिँ, घटनामा कुनै मानवीय क्षति रिपोर्ट गरिएको छैन।

दुर्घटनाको कारण पत्ता लगाउन प्रहरी घटनास्थलमा खटिएको छ। दुर्घटनाका कारण लामतेई इन्टरचेन्ज नजिकैको युनलङ राजमार्गको एक खण्ड बन्द रहेकोले युनलङतर्फ जाने यातायात प्रभावित भएको यातायात विभागले जनाएको छ। एउटा लेन बन्दका कारण ट्राफिक जाम भए पनि बाँकी लेन प्रयोग गरेर गन्तव्यतर्फ जान सकिने विभागले जनाएको छ। (द स्ट्यान्डर्ड)