हङकङ : काउयी चाउ कृत्रिम टापुहरूको स्वीकृति प्रक्रिया २०२५ मा

हङकङ सरकारले काउयी चाउ कृत्रिम टापु परियोजनाअन्तर्गत पुन:प्राप्ति कार्यको लागि वातावरणीय प्रभाव मूल्याङ्कन (ईआईए) प्रक्रिया यसै वर्षको अन्त्यसम्म सुरु गर्ने भएको छ।

यस वर्षको अन्त्यमा सम्बन्धित विस्तृत इन्जिनियरिङ डिजाइन सुरु हुने भएकाले आगामी वर्ष सम्बन्धित स्वीकृति प्रक्रिया पूरा गर्ने लक्ष्य राखिएको बुधबारको नीति सम्बोधनका क्रममा प्रमुख कार्यकारी जोन लीले बताए।

सम्बोधनका क्रममा लीले प्रमुख यातायात पूर्वाधार विकास खाकालाई सरकारले सक्रियताका साथ पालना गरिरहेको पनि बताए। जसअन्तर्गत हङशुई किउ स्टेसन र एनओएल मेन लाइन क्रमशः सन् २०३० र २०३४ मा अस्थायी रूपमा सम्पन्न गर्न यस वर्ष र अर्को वर्ष निर्माण सुरु हुने छन्।

त्यस्तै, हङकङ-शेन्जेन वेस्टर्न रेल लिंक र एनओएल स्पर लाइनलगायत हङकङ र शेन्जेनबीचको सम्बन्ध बढाउन क्रस-बाउन्ड्री रेलवे परियोजनाहरू पनि अघि बढ्नेछन्।

स्मार्ट र ग्रिन मास ट्रान्जिट प्रणाली सम्बन्धमा, सरकारले आपूर्तिकर्ता र अपरेटरहरूलाई पूर्वी काउलुन र काइतक परियोजनाहरूको एक्सप्रेसन अफ इन्टरेस्ट (ईओआई) अगस्टमा बुझाउन आह्वान गरेको छ।

निर्धारित मितिभन्दा तीन वर्ष अगाडि नै काइतक आयोजना सम्पन्न गर्ने सरकारको लक्ष्य रहेको लीले बताए।

यसका साथै, सरकारले यस वर्षको अन्त्यमा हङशुई किउ/हा चुन परियोजनाको लागि ईओआई पेस गर्न आमन्त्रित गर्ने पनि सम्बोधनमा उल्लेख छ। (द स्ट्यान्डर्ड)