हङकङमा एकैदिन थपिए कोरोनाका २ हजारभन्दा धेरै नयाँ संक्रमित

पछिल्लो २४ घण्टामा हङकङमा कोभिड–१९ का २ हजारभन्दा धेरै नयाँ संक्रमित थपिएका छन्।

कोरोना महामारी सुरु भएयता पहिलोपटक हङकङमा एकैदिन थपिएका नयाँ संक्रमितको संख्या २ हजार नाघेको हो।

साउथ चाइना मर्निङ पोस्टका अनुसार पछिल्लो २४ घण्टामा हङकङमा २ हजार ७१ नयाँ संक्रमित फेला परेका छन्।

त्यस्तै थप ४५ सय जनामा सम्भावित संक्रमित फेला परेका छन्। 

हङकङमा कोरोना दैनिक नयाँ संक्रमितको संख्या ५ दिनअघि मात्र पहिलोपटक १ हजार नाघेको थियो।

यससँगै हङकङमा कोरोनाका समग्र संक्रमितको संख्या २५ हजार ५१ पुगेको छ। 

मंगलबारदेखि हङकङमा ३ वर्षसम्मका बालबालिकाले पनि चिनियाँ कम्पनी सिनोभ्याकको कोरोना खोप लगाउन पाउनेछन्।

पछिल्लो समय कोरोना संक्रमण बढेसँगै सरकारले कोरोना खोप अभियानमा पनि तीव्रता दिएको छ।