गुजरात राजकोटको टीआरपी मलमा भीषण आगलागी, ९ जनाको मृत्यु

भारतीय प्रान्त गुजरातको राजकोटस्थित टीआरपी मलमा शनिबार भीषण आगलागी हुँदा ९ जनाको मृत्यु भएको छ।

राजकोट सिभिल अस्पतालको आपत्‌कालीन वार्डले ९ जनाको शव फेला परेको बीबीसी गुजराती सेवालाई जानकारी दिएको छ।

तर मृतकको संख्या बढ्न सक्ने आशंका गरिएको छ।

बीबीसी गुजरातीका अनुसार आगलागी भएको थाहा पाउनासाथ दमकलसहित उद्धारकर्ता घटनास्थल पुगेका छन्।