युनिकोड
केन्याको राजधानी नैरोबीबाट करिब १२० किलोमिटर पश्चिममा रहेको गिलगिलमा रहेको एक बोर्डिङ स्कुलमा बिहीबार आगलागी हुँदा १६ जना विद्यार्थीको मृत्यु भएको छ।
एक प्रहरी अधिकारीले पत्रकारहरूलाई दिएको जानकारीअनुसार घटनामा ७४ जना विद्यार्थी घाइते भएका छन्।उनीहरूलाई अस्पताल लगिएको छ।
केन्या रेडक्रस र प्रहरीका अनुसार बिहीबार बिहान विद्यार्थी सुतिरहेको बेला उतुमिसी गर्ल्स स्कुलमा आगलागी भएको हो।
बीबीसीका अनुसार अहिलेसम्म आगलागीको कारण पत्ता लागेको छैन।
केन्यामा बोर्डिङ स्कुलहरूमा आगलागी असामान्य होइन।
हालैका वर्षहरूमा यस्ता धेरैवटा घातक घटना भएका छन्।
होस्टेलमा ठुलो संख्यामा विद्यार्थी र सुरक्षा नियम पालना नगर्नुलाई प्रायः आगलागी हुने गरेका छन्।
प्रतिक्रिया