युनिकोड
इरानले कतारतर्फ ९ ब्यालिस्टिक क्षेप्यास्त्र र धेरैवटा ड्रोन प्रहार गरेको छ।
कतारको रक्षा मन्त्रालयले बुधबार बताएअनुसार देशको वायु रक्षा प्रणालीले ८ क्षेप्यास्त्र र सबै ड्रोन आकाशमै खसालेको छ।
मन्त्रालयले भनेको छ' 'एउटा क्षेप्यास्त्र सुनसान क्षेत्रमा खसेको छ र कुनै हताहत भएको छैन।
सुरक्षा एजेन्सीहरूले आक्रमणपछिको अवस्थाको निगरानी गरिरहेका छन्।'
अमेरिका-इजरायले गत फेब्रुअरी २८ मा संयुक्त हवाई हमला गरी आफ्ना सर्वोच्च नेता अयातोल्लाह अली खामेनीको हत्या गरेपछि इरानले पनि खाडी मुलुकमा रहेका इजरायल र अमेरिकी अड्डामा ड्रोन/क्षेप्यास्त्र प्रहार गरिरहेको छ।
यसैबिच अमेरिका-इजरायको आक्रमणबाट अहिलेसम्म १ हजार ३०० भन्दा बढी मानिस मारिएको र ८ हजार घर ध्वस्त भएको इरानले बताएको छ।
संयुक्त राष्ट्रसंघका लागि इरानका राजदूत अमिर सइद इरावनीका अनुसार देशका ९ हजार ६०० वटा आवासीय क्षेत्रमा आक्रमण गरिएको छ। हमलामा घर, बजार, अस्पताल, चिकित्सा केन्द्र र विद्यालय परेका छन्।
यस्तै इरानले आफूले पनि इजरायलका हाइफा, जेरुसेलम र तेल अभिभमा क्षेप्यास्त्र आक्रमण गरेको दाबी गरेको छ।
युद्धले अमेरिकी सेनालाई पनि असर गरेको छ। इरानको आक्रमणबाट अहिलेसम्म अमेरिकी सेनाका ७ जनाको मृत्यु र १४० जना घाइते भएको अन्तर्राष्ट्रिय सञ्चारमाध्यमले जनाएका छन्।
प्रतिक्रिया