युनिकोड
मलेसियाका प्रधानमन्त्री अनवर इब्राहिमले कम्बोडिया र थाइल्यान्ड युद्धविराम गर्न सहमत भएको बताएका छन्।
उनले कम्बोडियाका प्रधानमन्त्री हुन मानेट र थाइल्यान्डका कार्यवाहक प्रधानमन्त्री फुम्थम भेचायचाई तत्काल युद्धविराम गर्न तयार रहेको भएको बताएका हुन्।
आज उनकै मध्यस्थतामा मलेसियामा दुई देशका प्रधानमन्त्रीबीच युद्धविराम वार्ता भएको हो।
मलेसियाका प्रधानमन्त्री इब्राहिमले भनेका छन्, ‘थाइल्यान्ड र कम्बोडियाबीच सोमबार स्थानीय समयअनुसार मध्यरातबाट तत्काल र बिनासर्त युद्धविराम लागु हुनेछ।’
उनले थपे, ‘तनाव कम गर्ने र शान्ति र सुरक्षा पुनर्स्थापित गर्ने दिशामा यो पहिलो महत्त्वपूर्ण कदम हो।’
साथै दुवै देशका सैन्य कमान्डरहरूले मंगलबार बिहान ७ बजे अनौपचारिक बैठक गर्ने सहमति पनि भएको छ।
यसपछि अगस्ट ४ मा आसियान अध्यक्षको नेतृत्वमा रक्षा संलग्नकहरूको बैठक हुने बीबीसीले जनाएको छ।
यसअघि शनिबार अमेरिकाका राष्ट्रपति डोनाल्ड ट्रम्पले दुवै देश तुरुन्तै युद्धविराम गर्न वार्ताका लागि तयार रहेको बताएका थिए।
थाइल्यान्ड र कम्बोडियाबी जुलाई २४ देखि जारी लडाइँमा सैनिक र सर्वसाधारण गरी अहिलेसम्म कम्तीमा ३३ मृत्यु भइसकेको छ।
प्रतिक्रिया