युनिकोड
भारतको केदारनाथदेखि गौचर बीचको भिमबालीनजिक शनिबार हेलिकप्टर दुर्घटना भएको छ।
भारतीय सञ्चारमाध्यमका अनुसार केस्ट्रेल एभिएसनको यो हेलिकप्टर मर्मतका लागि वायुसेना एमआई-१७ को विमानद्वारा एयरलिफ्ट गरिएको (उडाइएको) थियो।
तर हावा र हेलिकप्टरको तौलका कारण एमआई-१७ विमानको सन्तुलन बिग्रियो।
त्यसपछि पाइलटले थारु क्याम्प उपत्यकाको खाली ठाउँमा हेलिकप्टर खसालेको जिल्ला पर्यटन अधिकृत राहुल चौबेले बताए।
हेलिकप्टरमा मानिस तथा सामान नभएकाले मानवीय वा अन्य धनमाल क्षति हुन पाएन।
खसालिएको उक्त हेलिकप्टर मे २४ मा केदारनाथमा आपतकालीन अवतरण गराइएको थियो। त्यसयता त्यो हेलिप्याडमै राखिएको थियो।
मर्मतका लागि सो हेलिकप्टरलाई आज बिहान विमानद्वारा गौचर एयरबेसमा लगिँदै थियो।
हेर्नुहोस् भिडिओ-
प्रतिक्रिया